سیری در شعری از میررا علی معجز (22 )

میرزا علی معجز 
(1252 ـ 1313) 
(1873 ـ 1934) 
رسول پیگیر هومانیسم، رنسانس و روشنگری 

ویرایش، ترجمه و تحلیل از
میمحا نجار

·        نویسندۀ سرگذشت جهان

·        قلم دور قلم، بارک الله قلم

·        سفیرکبیر انوشیروان

·        قلم دور قلم، بارک الله قلم

·        قلم حکم فرما دی هر عصرده

·        قلم اهلین اگلشدیره ر قصرده

·        عزیز ایلین یوسفی مصرده

·        قلم دور قلم، بارک الله قلم

·        او دور رستمی، راکب رخش ائدن

·        او دور هیکل نادری، نقش ائدن

·        شه عباسه نام نکو، بخش ائدن

·        قلم دور قلم، بارک الله قلم

·        یازار گونده مینلرجه فرمان سخت

·        ایه ر باش اونا صاحب تاج و تخت

·        سپهدار و سردار و سالار بخت

·        قلم دور قلم، بارک الله قلم

·        قلم یازدی چون قتل فرمانینی

·        اوروس چارینین توکدیلرقانینی

·        ائدن خلع هم تورک سلطانینی

·        قلم دور قلم، بارک الله قلم

·        قلمدن سؤال ایله سن:

·        «ممده لی

·        نچون تختدن دوشدی، اولدی دلی؟

·        سبب کیمدی؟»، سویلر به صوت جلی:

·        «قلم دور قلم، بارک الله قلم»

·        ائده نمز دیک عالمده سیر و سفر

·        قلم ائتمه سیدی بیزی با خبر

·        نگارندۀ نقشۀ بحر و بر

·        قلم دور قلم، بارک الله قلم

·        اگر اولماسیدی جهاندا مداد

·        کیم ایلردی خیام و سعدینی یاد

·        سخندان شیرین زبان بلاد

·        قلم دور قلم، بارک الله قلم

·        اگر اولماسیدی جهاندا قلم

·        دییلمزدی دنیاده نام عجم

·        علمدار فردوسی محترم

·        قلم دور قلم، بارک الله قلم

·        ئولوب شیخ محمود جنت مکان

·        قالیب «گلشن راز» اوندان نشان

·        اونی شهرۀ شهر ائدن، دوستان

·        قلم دور قلم، بارک الله قلم

·        اجل باغلاییب صابرین گوزلرین

·        قویوب یالقیز اوغلانلارین، قیزلارین

·        دیری ساخلیان «هوپ هوپون» سوزلرین

·        قلم دور قلم، بارک الله قلم

·        دئدیم چون:

·        «هانی حافظ  دهر شوم

·        نولوب شمس، عطار، ملای روم؟»

·        دئدی:

·        «نیلیسن، ایندی، بحر العلوم

·        قلم دور قلم، بارک الله قلم.»

·        گوروب خسروی، هاتفی، گورکن

·        بیچیب لعلیله، صائبه هم کفن

·        بوشاعرلرین نامین احیا ائدن

·        قلم دور قلم، بارک الله قلم

·        جهان قالدی یاران، نه خاقانیه

·        نه ابن یمینه، نه قاآنیه

·        او که بل چویرمز بو دیوانه یه

·        قلم دور قلم، بارک الله قلم

·        گئدیب دهردن عرفی و انوری

·        وئریب جان هم او جامی وجوهری

·        بو گون اونلارین وارث اکبری

·        قلم دور قلم، بارک الله قلم

·        جهاندا اگر اولمییدی مداد

·        سنائینی آیا کیم ایلردی یاد؟

·        بابا طاهره یاور خوش نهاد

·        قلم دور قلم، بارک الله قلم

·        اسیر ایلییب ایرجی، روزگار

·        نظامینی، خواجوئینی بیقرار

·        او که ئولمز هرگز، یاشار، بیشمار

·        قلم دور قلم، بارک الله قلم

·        دئدیم آغلیا آغلیا:

·        «ای قلم،

·        هانی سبزواری، هانی محتشم؟»

·        دئدی:

·        «معجز، الساعه حی الامم

·        قلم دور قلم، بارک الله قلم.»

پایان
ادامه دارد.