سیری در جهان بینی شهریار (38)

حیدر بابا سلام

سید محمد حسین بهجت تبریزی

(۱۲۸۵ - ۱۳۶۷)

ترجمه، ویرایش و تحلیل از

میمحا نجار

1

حیدربابا،

ایلدیریملار شاخاندا
سئللر، سولار،

 شاققیلدییوب آخاندا

قیزلار اوْنا

ـ صف باغلییوب ـ

باخاندا
سلام اولسون شوْکتوْزه ، ائلوْزه  
منیم دا بیر آدیم گلسین دیلوْزه

2

حیدربابا ، 

کهلیک لروْن اوچاندا
کوْل دیبینَّن دوْشان قالخوب، قاچاندا
باخچالارون چیچکلنوْب، آچاندا
بیزدن ده بیر

ـ موْمکوْن اوْلسا ـ

یاد ائله
آچیلمیان اوْرکلرى شاد ائله

3

بایرام یئلى چارداخلارى ییخاندا
نوْروز گوْلى، قارچیچکى، چیخاندا
آغ بولوتلار کؤینکلرین سیخاندا
بیزدن ده بیر یاد ائلییه ن ساغ اوْلسون
دردلریمیز

ـ قوْى دیّکلسین ـ

 داغ اوْلسون

4
حیدربابا، 

گوْن دالووى داغلاسین 
اوْزوْن گوْلسوْن، بولاخلارون آغلاسین
اوشاخلارون بیر دسته گوْل باغلاسین  
یئل گلنده، وئر گتیرسین بویانا
بلکه منیم یاتمیش بختیم اوْیانا
 

5
حیدربابا،‌ 

سنوْن اوْزوْن آغ اوْلسون  
دؤرت بیر یانون بولاغ اوْلسون باغ اوْلسون  
بیزدن سوْرا سنوْن باشون ساغ اوْلسون  
دوْنیا قضوْ- قدر ، اؤلوْم - ایتیمدى
دوْنیا بوْیى اوْغولسوزدى، یئتیمدى

ادامه دارد.