میرزا علی معجز
(۱۲۵۲ ـ ۱۳۱۳)
(۱۸۷۳ ـ ۱۹۳۴)
تحلیلی
از
میم حا نجار
بیلمه دیم
• بنده نی عفو ایلیه ملت گرک
• معبده میخانه دیدیم، بیلمه دیم.
• باشینی دیواره ووروب سیندیرن
• عاقله دیوانه دیدم، بیلمه دیم.
*****
• من نه بیلیم، قارقا خوش آواز ایمیش
• بایقوشا بایقوش دیمک اولماز ایمیش
• تلخ ایدی اوقات شریفیم بیر آز
• بایقوش او حیوانه دیدیم، بیلمه دیم.
*****
• گوردی فلان کس، یوخودا بیر گجه
• قول بویون اولمیش، یاتیور حوریله
• سرخوشیدیم شیره انگوریله
• اویقویا افسانه دیدیم، بیلمه دیم.
*****
• «بیغ و سقل صحبتین الدن سالین
• ایله میین ذم، بو قیزیل دیشلری
• عصریمیزه لازم اولان ایشلری
• اورگدین اوغلانه»،
دیدیم، بیلمه دیم.
*****
• «دشمن دین گویده گزیر قوش کیمی
• معبدی ویران ایده گجدیر، اگیل
• کس سسیوی، باشوا بیر چاره قیل!»
• قارء قرآنه دیدیم، بیلمه دیم.
*****
• گورجک الیمده غزیته، جعفرین
• رنگی پوزولدی، ضریحی کورلادی
• غیظه گلیب، بومب کیمی پاتلادی
• آغزینه قورخانه دیدیم، بیلمه دیم.
*****
• «وزر وبالی، گنهی بوینوما
• مشدی جانوم، ویر پولیوی آجلارا
• پیکری عریانلارا، محتاجلارا
• گتمه خراسانه»،
دیدیم، بیلمه دیم.
*****
• «حاجی داداش، سالما اوزون زحمته!
• ویر او پولی، ملت بی دولته!
• کافیر اگر بورج ویره ملته
• بند اولار ایرانه»،
دیدیم، بیلمه دیم.
*****
• اویمیش عجب عقلنه قارداشلار
• چورت وورار ـ صبح و مسا ـ یوخلیار
• من ایله بیلدیم که او سرساخیلار
• سری می غلیانه دیدیم، بیلمه دیم.
*****
• آتدی الین قائمه خنجره
• دوردی بش اون ووردی من مضطره
• من ایله بیلدیم که او سوز یاخشی دیر
• یاتما مسلمانه دیدیم، بیلمه دیم.
*****
• دوستا دییه ر دوست، خطیاتینی
• که ایده اصلاح، عیوباتینی
• دین و وطن دشمنی، ظن ایله دیم
• معجره بیگانه دیدیم، بیلمه دیم.
پایان
ادامه دارد.
هیچ نظری موجود نیست:
ارسال یک نظر