سیری در شعری از میرزا علی معجز (42 )

میرزا علی معجز

(1252 ـ 1313)

(1873 ـ 1934)

رسول پیگیر هومانیسم، رنسانس و روشنگری

ویرایش، ترجمه و تحلیل از

میمحا نجار

  

سیزه من نیله میشم

(دیوان معجز شبستری، جلد اول، صفحۀ 44)  

·        باشیما زلف قویوب، ساققالی قیخدیرمامیشم

·        خلقدن رشوت آلیب، کیسه می، دولدورمامیشام

·        جدیزین وقف سویون، ملکیمه آچدیرمامیشام

·        ای شبسترلی داداشلار، سیزه من نیله میشم

·        بیر قران پول آپاریر دولت ایران دریدن

·        ظلم ائدیر فرقۀ قصابه، اوتانمیر تاریدن

·        مهر ذبحیه آلیر، باج ئولیدن، هم دیریدن

·        من بئله ظلم و ستم خلقه روا گورمه میشم

·        ای شبسترلی داداشلار، سیزه من نیله میشم

·        گوروسیز من نه آژانم، نه قازاق، ای کیشیلر

·        گورمیوب قوندارا هرگز بو دابان، ای کیشیلر

·        سالمیشام لیفۀ شلواریمه باغ، ای کیشیلر

·        پانتولون گئیمه میشم، بوغلاریمی بورمامیشام

·        ای شبسترلی داداشلار، سیزه من نیله میشم

·        کفرمه حکم ائله دیز، هانسی گناهیله منیم؟

·        جرمیمی ثابت ائدین، بیرجه گواهیلیه منیم.

·        نه طلاق ایله ایشیم وار، نه نکاحیله منیم

·        قیزیزی حاضر ائدیب مجلسه، دیندیرمه میشم

·        ای شبسترلی داداشلار، سیزه من نیله میشم

·        من فلان کس دگلم، صیغه مه، ایراد ائده سن

·        «گئت کبین کسمه»، ده ییب، اوستومه فریاد ائده سن

·        ییخاسان خلقین ائوین، ئوز ائوین آباد ائده سن

·        من هله هیچ کسین قلبینی سیندیرمامیشام

·        ای شبسترلی داداشلار، سیزه من نیله میشم

·        ای عمو، چک قیلیجون ائیله مربایه هجوم

·        شیر برنجه، خامایا، هم قارا دولمایه، هجوم

·        بی جهت ایلمه چوخ، «معجز» شیدایه هجوم

·        من مگر ایلده بش اون یول سیزی گولدورمه میشم

·        ای شبسترلی داداشلار، سیزه من نیله میشم

ویرایش از تارنمای دایرة المعارف روشنگری

پایان

ادامه دارد.