سیری در شعری از میرزا علی معجز (35 )

میرزا علی معجز
(1252 ـ 1313) 
(1873 ـ 1934) 
رسول پیگیر هومانیسم، رنسانس و روشنگری

غربت 
(دیوان معجز شبستری، جلد اول، صفحۀ 123)

ویرایش، ترجمه و تحلیل از
میمحا نجار

   

·        کیم گوره سن، غربتی ایجاد ائدیب؟

·        هر کس ائدیب، من کیمی بیمار اولا

·        ترک دیار ایله مگین باعثی

·        اولسا، گرک ظلم، طلبکار اولا

·        قالسا وطنده، گئده جک عزتی

·        هم تکذین چادری، هم چرقتی

·        جانیوی اینجیتمه اوغول، عورتی

·        بوشلا، ولو که ممه سی نار اولا

·        تذکره اون دورت تومنه مالدور

·        یول  پولی اونداندا قریشمالدور

·        یولچی نه ائشکدی، نه حمالدر

·        تا بو قدر ظلمه خریدار اولا

·        سن ده بیلیرسن که او تاجر دگل

·        بونجا پولی وئرمگه قادر دگل

·        بوشلا یاخاسین بورا بیر یر دگل

·        قوی گئده استانبولا تجار اولا

·        گونده ره حق، هر گون اگر رحمتین

·        ائتمز اوجوز تذکره نین قیمتین

·        ائیلیین آگاه، رسول امتین

·        جیبده گرک درهم و دینار اولا

·        خرجی وار هشتاد تومن گئتماغین

·        یا ائوی قوی بیع و یا سات، سن باغین

·        قورخورام آخر یخیلا مطباغین

·        پردیلری عازم بازار اولا

·        تورک منه وئرمسه دوتیوز لیره

·        غصه وغمدن توتولار خیرخیره

·        یا زهر ایچ، یا سال ئوزون تندیره

·        قویما غرض، حوصله چوخ دار اولا

·        غارت اگر ایلمیه خیمه نی

·        حرمله و خولی و شمر دنی

·        غصه بوغار، یوخسول بیچاره نی

·        اللرین ای مرثیه خوان،  وار اولا

·        سنیز اگر بالغ اولوب اللیه

·        قدّره نی برک وورون کلیه

·        بلکه سیزی آخرته یوللیه

·        خلق گییه قاره، عزادار اولا

·        بسکه ایچر شیرۀ انگوردن

·        شاعرین اولماز خبری صوریدن

·        مست چیخار دائرۀ گوریدن

·        کاش هامی معجز کیمی دیندار اولا

پایان

ادامه دارد.

ویرایش از تارنمای دایرة المعارف روشنگری